Munaywan tinkuyqa runakunapura sunquyuq tinkuymi; munay, huk runata hamut'ay hinaspa
hap'ipakuy nisqakunapi sayan. Paqarisqanchikmanta pacha cuidawaqninchikkunawan tinkuyta qallarinchik,
mamawan, taytawan utaq ñuqanchikpaq kaq runawan, imaraykuchus amachasqa hinaspa munasqa sientikuyta
necesitanchik, pacha kayta mana riesgoyuq rikunaykupaq.
Wiñaspaqa musuq runakunawan tinkuyta qallarinchik: masikuna, munasqanchik runakuna, parejakuna ima. Kay
tinkuykunaqa munaywan tinkuyman tikrayta atin, yupaychay, hap'ipakuy hinaspa allin rimanakuywan
ruwasqa kaptin.
Huk runata allinta riqsiy, ukhu tinkuyta manaraq ruwaspa, iskaynin runakuna tinkuypi allin sientikunanpaq
yanapan.
Allin tinkuyqa qan kikinwan hinaspa huk runawan hawkalla sientikuchisuq tinkuy. Kayqa kacharisqa kay, yupaychay, huk runata hamut'ay hinaspa rimanakuy nisqapi sayan. Chay tinkuypi iskaynin runakuna uyarisqa, yupaychasqa sientikunku, hinaspa paykuna kikin kayta atinku mana juzgasqa icha tanqasqa manchakuspa. Allin tinkuyqa wiñanaykita kallpachan; mana llimitanchu, manataq chaninniykita iskayrayachisunkichu.
Manan chayllachu. Munaywan tinkuyqa sunquyuq conexionniyuq mayqin runawanpas kanman: aswan allin masiyki, wawqeyki/panayki, munasqayki yachachiqpas.
Manan sapa kutichu munakuywan utaq sexual munay kanan. Munakuy tinkuyqa sunqu rakinta hap'in, ichaqa munay hinaspa aswan qaylla tinkuyta kuska kay munaytapas yapaykun.
Yuyariy: manan llapan munakuy tinkuykuna qallariymantapacha sunquyuqchu, ichaqa hap'ipakuy hinaspa munaypa saphinpi ruwakunanmi.
Iskaynin yupaychay, rimanakuy hinaspa huk runata hamut'ayta kuska apanku, ichaqa kawsayninchikpi hukniray ruwananmi kan.
Allin tapukuy! Munakuyqa achka rikch'aqpi sientikuy hinaspa kawsakuy atin.
Mana huklla definicionchu kan, ichaqa riqsiyta yanapaq wakin señalkuna kan:
Wakin kutipiqa ancha chanin runaman ukhu munakuyhina sientikun: tayta-mamaykikuna, aswan allin masiyki
utaq parejayki.
Wakin kutipiqa kallpayuq hinaspa pasionalmi, chay runawan sapa kuti qayllapi kay munaywan.
Huk kutipiqa aswan hawka, hap'ipakuy, yupaychay hinaspa sunquwan tinkuypi sayaqmi.
Cuidado, uyariy hinaspa sapa punchaw yanapakuypi uchuy gestokunawanpas rikuchikun. Imaynata kawsanki chaymanta
mana qhawaspa, chiqaq munakuyqa iskaynin runakuna cuidakuyta munasqankumanta rimaymi. Munakuyqa mana
manipulanchu, manataq pisiyachisunkichu. Yapaymi, manan qichuychu.
Kichasqa hinaspa sunquwan uyariy. Mana juzgasunkichu, hamut'asunki hinaspa qanwan kuska solucionkunata maskhan.
Emocionninwan kichasqa hinaspa chiqapta riman. Ima sientisqanta mana nanachispa willasunki, qampas chayta ruwankim.
Allin rimanakuyta apaykachan. Imakunata sut'ita saqiyta munan, mana huk runata nanachispa. Mana discusionespi atipayta maskhankuchu, aswanqa hamunakuyta.
Allin kayniykita cuidan. Qanmanta hinaspa imayna sientikusqaykimanta llakikun.
Linderoykikunata yupaychan. Ima ruwaypaqpas consentimiento niykita maskhan, hinaspa mana munasqaykita ruwanaykipaq tanqasunkichu.
Iskayninku sunquwan responsable kanku. Ruwayninku qampaq imayna tupasqanta hamut'anku.
Llapan ex parejasninmanta ancha millayta riman
Astawan yachay
Llapan problemankunapi qanta huchachan
Astawan yachay
Ruwayninta hap'iyta hinaspa disculpakuyta mana munanchu
Astawan yachay
Linderokunata churasqayki piñachin
Astawan yachay
Sapa kuti qampaq wakichisqa kachkani nispa rikuchin
Astawan yachay
Actividades ruwanaykita utaq runakunawan tinkunaykita hark'an
Astawan yachay
Kay señalkunaqa mana munasqallachu; ima tinkuypas
qhali kananpaq saphikuna kanku.
Mana llapan runakunaqa munakuy tinkuykuna munankuchu icha necesitankuchu. Munakuy hinaspa
tinkunakuy formasqa munakuy tinkuymanta hinaspa sexomanta hawapi kanpas. Astawan yachanaykipaq sexualidad imaymana kay
seccionniykuta qhawariy.
Tinkuyniykipi maltrato, kamachiy, manchakuy utaq violencia kaptinqa, manan munakuychu.
Abusuyuqmi. Yanapata maskhay hinaspa qanmanta cuidakuy. Mana riesgoyuq kayniyki aswan ñawpaqmi.
Yanapayta munaspaqa kay yupaykunata apaykachay:
Linea 100-man waqyay, Chat 100wan rimanakuy utaq aswan qaylla Centro de Emergencia Mujer nisqaman riy
Kaypi tapukuykunaykita saqiy
Kutiy
