Anillo Vaginal

Anillo vaginalqa huch’uy hinaspa flexible anillom, vaginaykipa ukunman churanki, hinaspa cuerpoykipi hormonakunata kacharispa p’unchawpa 24 horanpi, semanapa 7 p’unchawninpi wiksayakuyta hark’an. Anillo vaginalqa iskay laya hormonata kacharin: etonorgestrel (progesteronaman rikch’akuq) hinallataq etinilestradiol (estrógenoman rikch’akuq); chayrayku hormonayuq combinado anticonceptivo método hina qhawarikun.

Kay métodoqa iskay proceso nisqawan wiksayakuyta hark’an. Ñawpaqtaqa, útero kunkapi kaq moco nisqata aswan pipuyachin, chaynapi espermatozoide úteroman yaykunanpaq sasachakun. Iskay kaqtaqa, ovulaciónta hark’an; chayqa niyta munan ciclo menstrual pachapi óvulo ama lluqsinanpaq hark’asqanta.

Allin llamk’aynin

Anillo anticonceptivota allinta, mana pantaspa apaykachaspaykiqa, 99% efectivo. Ichaqa pipas mana perfectoqa kanchu, hinaspa pantayta ruranapas facil kanmanmi; chayrayku chiqap kaqpi anilloqa 91% efectivo. Kayqa niyta munan, sapa 100 anillota apaykachaq runamanta yaqa 9 runa sapa watapi wiksayakun.

Efectividadninqa pisiyapunmanmi, ejemplopaq, anillota pachanpi mana tikraptiki utaq apaykachayta hayk’aq qallarinan kasqanpi mana qallarispaqa (reglapa qallariq p’unchawninkunapi).

Imayna apaykachana

Anillo vaginalta apaykachayqa facilmi. Ruranaykiqa huch’uy hinaspa flexible anillota vaginaykipa ukunman 3manta 6 semanakama huk kutita churayllam, calendariota imayna programakusqaykiman hina. Yaykuchinaykipaqqa ruk’anaykikunawan ñit’ispa huch’uyachiy hinaspa vaginaykipa ukunman churay. Kay proceso pachapi cómodo posiciónpi kayta yuyaychaykiku, hinallataq qallariq kutikunapi urmamunman chayqa urayniykipi huk toallata churay.

Anilloqa regla qallariyninpi (1 kaq p’unchawmanta 3 kaq p’unchawkama) churakun hinaspa 21 p’unchaw apaykachasqamanta qhipaman hurqukun. Chaymanta 7 p’unchaw samakun (22 kaq p’unchawmanta 28 kaq p’unchawkama); chay p’unchawkunapi pisi yawar lluqsiy kanman. Qhipamanqa musuq anillo vaginalwan kay procesota musuqmanta qallarinayki tiyan.

Maypi rantina

Anillo vaginalqa Perú suyupa salud establecimientokunapi mana ancha sapa kuti tarikunchu. Ichaqa farmaciakunapi, clínicas privadakunapi utaq consultorios médicokunapi tapukuyta atinki. Rantinapaqqa mana receta médica necesitakunchu, ichaqa aswan allinqa ginecología especialistawan tapukuy, cuerpoykiman hinallataq necesitakusqaykiman aswan allin tupaq anillo tipota qillqarispa qusunaykipaq. Huk opcionqa tiendas online nisqakunapi disponibilidadninta qhawariy, chaynapi aswan facilta tariyta atinki. Huk anillopa chaninqa yaqa 55 solesmi.

Allin kayninkuna

Anillo vaginalqa facil hinaspa práctico apaykachana métodom. Pastillakunata mana upyayta munaspayki, sapa kuti monitoreo necesitakuq huk métodota mana apaykachayta munaspayki utaq inyeccionkunata mana munaspaykiqa, ancha allin opcionmi. Kimsa semanata duran. Hinallataq menstruación cólicokunata pisiyachiyta, reglaykita aswan pisi kananta, acnéta pisiyachiyta hinaspa ñuñuykipi utaq ovarioykipi quistekuna ama rikurimunanpaq yanapanmanmi.

Yuyariy, kay métodoqa sexo rurayta manam hark’anchu. Hinallataq, apaykachayta saqisqaykimanta qhipalla fertilidadniyki kutimunmi.

Qhipaman rikurimuq efectos

Anillo vaginalqa seguro métodom, ichaqa wakin mana allin kaykunapas kanmanmi. Hormonayuq kasqanrayku, posibles efectos secundarios nisqakuna kanman: peso tikray, flujo vaginal, vagina irritación, uma nanay, náuseas, mana regular yawar lluqsiy hinallataq mastalgia (ñuñukunapi nanay). Yachanaykiqa importante: ancha pisi posibilidad kaptinpas, anillo vaginalqa kikinmanta lluqsiyta atinmanmi.

Yuyariy, kay métodoqa Sexo Purichisqa Infeccionesmanta (ITS), VIH/SIDA nisqatapas, manam amachaykuchu.

Hinallataq, huk anticonceptivo métodokunawan tupachispaqa, tariyqa aswan sasam.