AOE Sasa pacha simiwan anticonceptivo
AOE Sasa pacha simiwan anticonceptivo nisqaqa aswan riqsisqam "qhipan p'unchaw pastilla" utaq "paqaristin p'unchaw pastilla" sutiwan. Kayqa manam sapa kuti hap'ina anticonceptivo métodochu. Kayqa huk método de emergencia nisqam, pichus usasqa kanan tiyan wiqsayakuy paqariy atiykunata pisiyachinapaq mana hark'asqa yuquy kawsayniyuq kasqa qhipaman utaq sapa kuti usana método anticonceptivoykiwan ima sasachakuypas rikhurisqan qhipaman.

Kay sasa pacha método de emergencia nisqaqa yuquy kawsayniyuq kasqa qhipaman utqayllam ukyana kachkan, 120 hora (5 p'unchaw) k'uchukama, ima laya hampi kasqanman hina. Ichaqa, aswan allinmi yuyariyqa, chiqap hark'ayninqa pisi-pisimanta pisiyapunqa horakuna pasasqanman hina. AOE nisqaqa levonorgestrel utaq acetato de ulipristal nisqawan chaqrusqam kanman; iskaynillanmi llamk'anku ovulación nisqata unayachispa utaq hark'aspa. Levonorgestrel nisqaqa aswan allinmi ñawpaq 72 horakunapi; 72manta 120 horakamaqa acetato de ulipristal nisqaqa aswan chiqap hark'ayniyuqmi.
Sasa pacha kaqkuna kaykuna kanman:
- Mana hark'asqa yuquy kawsay
- Sapa kuti usana anticonceptivo nisqapa mana allin usaynin (ejemplo: condón nisqa llik'ikusqanrayku)
- Anticonceptivo utaq método hormonal nisqapi sasachakuy utaq pantay paqarisqanrayku
- Mana munasqa yuquy kawsay (sarunchakuy)
Kay qillqapi tariunki:
- Allin ruray
- Imayna ruraynin
- Maypi rantiypaq
- Allinninkuna
- Mana allin rikhuriqkuna
- Sapa kutilla tapukuykuna
Allin ruray
AOE nisqapa chiqap hark'ayninqa ima laya hampi kasqanman, hayk'a hora pasasqanman chaynallataq wak kaqkunaman hinam t'ikrakun. Utqayllam ukyana kachkan. Manam llapan AOE hampikuna kaqlla chiqap hark'ayniyuqchu.
Chiqap hark'ayninmanta yachanayki:
- Levonorgestrel: utqaylla ukyay; chiqap hark'ayninqa pisi-pisimanta pisiyapun horakuna pasasqanman hina.
- Acetato de ulipristal: 120 hora (5 p'unchaw) k'uchukama ukyayta atikun.
- 72manta 120 horakamaqa, acetato de ulipristal nisqaqa levonorgestrelmanta aswan chiqap hark'ayniyuqmi.
- Pastillaqa manam qhipa yuquy kawsaykunamanta nitaq ITS nisqakunamanta amachanchu. Amachana ñanta hap'iy.
Imayna ruraynin
AOE Sasa pacha simiwan anticonceptivo nisqaqa huk hap’iypi ukyana dosis nisqawannin hamun. Huk pastillallapi utaq iskay huch'uy comprimido pastillakunapi tarikunman. Ima laya kaqtinpas huk ukyayllapim llapan panta-panta ukyana kachkan.
Mana abortivo métodochu; manam wiqsayakuyña kasqanta tatichinchu. Kayqa huk método de emergencia nisqam, ovulación nisqata unayachispa utaq hark'aspa wiqsayakuyta hark'anapaq llamk'an. Wiqsayuq kayña kaptinqa, manam wiqsayakuy hark'anapaq yanapanchu.
AOE nisqataqa necesitakuspaykiqa yapamanta ukyayta atinki. Manam watapi iskay kutillaman saywachasqachu, nitaq huk killa suyanayki tiyanpunichu. Sapa kuti ukyasqaqa killa unquypa t'ikrakuyninta chaynallataq wak qhipa unquykunata paqarichinmanmi. Sapa kuti hap'ina wawa mana paqarinanpak ñanmanta hanpikamayuqwan tapukuy.
Maypi rantiypaq
AOE Sasa pacha simiwan anticonceptivo nisqaqa ima farmaciapipas utaq pachantin llaqtapi centro de salud nisqakunapipas rantiytam atikun. Mana receta médica nisqata utaq prescripción médica nisqatapas mañakunchu. AOE nisqapa yaqa chaninqa, ima presentacionninpipas, chunka pisqayoq solmanta iskay chunka pisqayoq solkamam t'ikrakun, chaymi laboratorio nisqaman hina chaynallataq imayna hormona nisqayuq kasqanman hina wakichikun.
Allinninkuna
- Utqaylla ukyasqa kaptinqa, AOE nisqapa chiqap hark'ayninqa aswan hatunmi.
- Wak método anticonceptivo nisqakunawan tupachisqaqa pisi chaniyuqllam.
- Pachantin llaqtapi ima farmaciapipas utaq centro de salud nisqapipas mana receta médicayuqlla tarikusqanraykum facil haykuyllapaq kachkan.
Mana allin rikhuriqkuna
Sapa kurpum wak-wak laya kachkan, chayraykum mana llapan runakunachu kay mana allin rikhuriqkunata musyanqaku; nisunman, runamanta runamanmi t'ikrakun. Chaynallataq, kikin runapas wak-wak kaqkunatam musyanman imaymana kutikunapi ukyasqanman hina.
- Ciclo menstrual nisqapa t'ikrakuynin
- Periodo chawpikunapi yawar apamuy
- Umay muyuy utaq lansay munaqlla kay (náuseas): Pastilla ukyasqa qhipaman lansasqa (aqtasqa) kaqtinqa huk musuq pastillatam yapa ukyana kachkan.
- AOE nisqaqa manam huk ITS unquymanta hark'asunkichu: Yuquy kawsaypi chimpaq unquykunamanta hark'aq sapallan metodokunaqa condón hina hark'ana metodokunallam kanku.
Kay willakuy yanapasunkichu?
Qhawariyniyki ancha chaninniyuqmi, allinchakuyta yanapawanku.
Kay huk metodokunata qhawariy
AOE Sasa pacha simiwan anticonceptivo
AOE Sasa pacha simiwan anticonceptivo nisqaqa aswan riqsisqam "qhipan p'unchaw ...
Kay qillqata ñawiriy
Mitu método
Métodopa resumenin Fertilidad qhawariy nisqapas sutichakunmi, hinaspa ovulaciónta qhawaspa, fértil p’unchawniykikunata qatipaspa ...
Kay qillqata ñawiriy
Vasectomía nisqa
Vasectomía nisqaqa huk wiñaypaq chaynallataq mana yapa cutichiy atikuy método anticonceptivom, kayqa huk ...
Kay qillqata ñawiriy