Ñawpaq kuti sexo rurakuspaqa sapa kuti yawar lluqsin hinaspa nanan

Vaginayuq wakin runakunaqa sexo rurakuspa yawar lluqsichiyta atinkum, ichaqa kayqa manam sapa kutichu kan. Achka vaginayuq runakunaqa ñawpaq kuti sexo rurakuspa mana yawar lluqsichinkuchu, hinallataq sexo rurakusqanrayku vagina “waylluyasqa” tukusqanpas mana chiqachu.

Ñawpaq kuti sexo rurakuspa nanay hinallataq yawar lluqsiyqa manam llapan runakunapi kanchu, hinaspa yaqa lubricación pisiyasqanwan tinkisqam kan.

Himenqa manam vagina yaykunanta llapanta qataq ñañu película hinachu. Chiqaptaqa, himenqa ñañu tejido membranoso nisqam, vaginapa kichasqanpa huk kaqninta muyuriq; achka kutipi media luna hina formayuqmi, ichaqa manam sapa kutichu. Hinallataq, imaymana formayuq kasqanmantapas aswanqa, pubertad pachapi himenqa ñawpaq kasqanmanta aswan elástico tukusqanta yachananchik importante. Chayrayku, ñawpaq kuti penetraciónniyuq sexo rurakuspaqa, himen llik’ikunanmantaqa aswan sapa kuti mast’arikunmi.

Himenwan huk situaciónpas kanmanmi: desgarro nisqa. Kayqa imaymana kausakunamanta kanman, deporte ruraymanta, tampón yaykuchiymanta utaq, arí, lubricación mana suficiente kaptin sexo rurakuymantapas. Himen ñawpaqpi llik’isqa utaq desgarrasqa kasqanta yachayqa ancha sasam, achka kutipiqa mana atikunpunichu. ¡Ichapas hayk’aqpas mana llik’ikunmanchu! Yuyariy, himenqa elásticom; chukchapaq banda elástica hina yuyaykuy. Imaymana sayayniyuq, rugosidadniyuq, elasticidadniyuq hinallataq resistencia nisqayuqmi kan.

Kunanqa, nanaywan yawar lluqsiywan ima pasasqanpas sut’ichakuyta atinmi. Achka sipaskunamanmi “ñawpaq kuti” sexo rurayninku nanayniyuq kanqa hinaspa yawarpas lluqsinqa nispa yachachisqa. Kayqa achka runakunata llakichiyta utaq nervioso churayta atin, chaymantaqa sexo rurakuspa musculonkuna aswan sinchita k’uchukun hinaspa lubricaciónpas pisiyan. Kay cuerpo reaccionmi pisi vagina yawar lluqsiyta hinallataq nanayta ruranman. Ichaqa kayta hark’anapaq achka ñankunam kan: allillamanta puriy, cuerpopa imaymana chiqankunapi kuyakuywan llamiy, pisi lubricanteta apaykachay, sexo masiykita imayna sientikusqanmanta tapuy, qanpas imayna sientikusqaykita willay hinaspa iskayniki kikiykichikpa ritmonpi puriy. Penetraciónqa manam tukuy encuentro sexualpa qhipa objetivon kananpaqchu; sapa pachata kusikuywan kawsaychik. Chaynapi encuentro sexualqa iskayninkupaq aswan kusichikuq kanman.

Yuyariy, nanay utaq yawar lluqsiy mana chinkaptinqa utaq ancha kallpasapa kaptinqa, huk especialistawan tapukuy.