Condón

Condón, preservativo nisqapas, wiksayakuyta hark’aq huk anticonceptivo métodom. Huch’uy, ñañu funda hinam, peneta qataykuspa, sexo rurakuchkaptin semen-ta huñun, esperma vaginaman ama yaykunanpaq, chaynapi óvuloman ama chayananpaq. Espermawan óvulo mana tupayta atiptinkuqa, wiksayakuyqa mana kanchu.

Condónqa huklla anticonceptivo métodom, wiksayakuymanta hinallataq Sexo Purichisqa Infeccionesmanta (ITS) huk pachallapi amachaykuq. Chayrayku, huk anticonceptivo método usarispaykipas, condóntaqa kuska usarinayki allinmi, ITS nisqa infecciones ama hap’inaykipaq.

Allin llamk’aynin

Sapa kuti sexo rurakuspayki condónta allinta apaykachaspaykiqa, wiksayakuyta hark’anapaq 98% allin llamk’an. Ichaqa pipas mana perfectoqa kanchu, chayrayku chiqap kaqpi condónqa 85% allin llamk’an. Kayqa niyta munan, sapa 100 runamanta condóllata anticonceptivo métodota apaykachaqkunamanta, yaqa 9 runa sapa watapi wiksayakunqaku.

Condón aswan allinta llamk’ananpaqqa, sapa kuti sexo vaginal, oral utaq anal rurakuspayki allinta apaykachaymi aswan allin. Kayqa niyta munan, sexo qallarisqaykimanta tukusqaykikama condónta mana hurquspa churasqa hap’inayki. Imapas genitalesqa qarapas qara tupachiyta manaraq rurachkaspayki, condónta penepi allinta mast’araspa churay.

Imayna apaykachana

1. Condónkuna unayta waqaychakuyta atinkumanpas, sapa kuti envoltorionpi utaq cajapi vencimiento fechanta qhaway. Condónta allillamanta kichay, ama dañanapaq (ama kiruykiwan nitaq tijerawan kichaychu).
2. Condónqa allin ñanman mast’arikunapaq churasqa kachun: kantunqa hawaman qhawachkananmi, chaynapi huch’uy ch’ullu hina rikukunqa, hinallataq facilta mast’arikunqa. Pantaspa condónta tikrasqa churakuptiykiqa, ama kutichispa churakuychu. Musuq condónta kichay.
3. Condónpa puntanta llapiy hinaspa peneykipa umanpi churay. Puntanpi pisi espaciota saqiy, chaypi semen huñukunampaq.
4. Condónta peneykipa tukuy largonpi mast’aray, qallariyninkama chayanankama.
5. ¡Kunanqa sexo rurakunapaq listoñam kanki!
6. Semen lluqsimuptin (chayamuptiyki), condónpa kantunta hap’iy hinaspa peneykita sexo masiykipa cuerponmanta hurquy. Kayta erecciónniyki manaraq chinkachkaptin ruray, condón ama llumpay waylluyananpaq, semenpas ama lluqsinanpaq.
7. Allillamanta condónta hurquy, semen ama pantaspa sexo masiykipa qayllanpi hich’akunanpaq. Huch’uy watuta ruray hinaspa condónta basuraman wikch’uy.
8. Condónkunaqa manam iskay kutita apaykachakuyta atinkuchu. Sapa kuti ima laya sexo rurakuspaykipas musuq condónta apaykachay.

Condónta apaykachanapaq wakin yuyaychaykuna

Condónkunata chiri, ch’aki chiqapi waqaychay, ñañu kantuyuq imakunamanta karupi, chaykuna condónta llik’iyta atinku, hinallataq intipa chiqap k’anchayninmanta karupi. Ama unay tiempo bolsiloykipi, autonpi nitaq bañopi waqaychaychu, humedadwan ruphaywan dañayta atinku.

Ama iskay condónta huk pachallapi apaykachaychu. Condónqa sapallan apaykachanapaqmi rurasqa, iskayta huk pachallapi apaykachaypas mana aswan amachayta qusunkiñachu. Huk condóllata allinta apaykachay, chaywanmi munasqayki amachayta tariyki.

Sapa kuti sexo rurakuspayki utaq musuq erección kakuptin musuq condónta necesitanki, chayrayku sapa kuti achka condón qayllaykipi kanqa chayqa allinmi. Sexo qallarinanpaq manaraq, condónkuna qayllaykipi kasqanta qhawariy, chaynapi utqaylla apaykachayta atinki, mana imatapas hark’aspa.

Látex condónkunawan ama aceiteyuq imatapas apaykachaychu, vaselina, cremakuna, bebé aceite, mantequilla utaq yanukunapaq aceitekuna hina. Aceiteqa látexta dañan hinaspa condón llik’iyta atichin.

Practicayqa yachayta allinchachin, chayrayku sexo rurakuchkaspayki condónta apaykachanaykipaq manaraq, churakuyta practicayqa allinmi. Peneykipi, plátanopi, pepinopi utaq ñañu botellapi condónta churayta practicayta atinki; pene hinalla rikch’akuq ima objeto kaspapas sirvenmi. Sexo manaraq rurakuspa condón apaykachaypi allinta yachaspaykiqa, chiqap munasqa pachapi allinta apaykachayqa aswan facilmi.

Maypi rantina

Condónpa aswan allin kaqninkunamanta hukninmi, yaqa tukuy chiqapi rantikun. Chiqaptaqa, ancha facilmi apaykachanapaq hinaspa tarinapaqpas. Condónkunata farmaciakunapi, clínicas privadakunapi, consultorios médicokunapi, supermercadospi, tiendakunapi, internetpi, hinallataq máquinas expendedoras nisqakunapipas tariyta atinki. Mana receta médica necesitankichu, edadman hina hark’aypas manam kanchu: mayqin runapas condónta rantiyta atin. Qharikunapaq kimsa condónyuq cajakunapa chaninqa yaqa S/.4manta S/.10kamam, marcaman hinallataq tiponman hina. Qullqi mana kaptinqa, Perú suyupi mayqin salud establecimientopipas mana qullqillawan condónkunata tariyta atinki. Ministerio de Salud (MINSA)qa chunka kimsayuq anticonceptivo métodokunata runakunaman mana qullqillawan qun.

Wakin runakunapaqqa tiendaman utaq postaman yaykuspa condónta mañakuyqa p’enqayta hina rikuchin. Ichaqa saludniykiqa pisi p’enqaymanta aswan importante. Condónta mañakuyqa manam p’enqaychu, chayqa responsable kasqaykita, kikiykita hinallataq sexo masiykita amachakusqaykita rikuchin. Sichus imayna kaspapas tiendaman utaq postaman yaykuspa condónta mañakuyta mana munankichu chayqa, confianzakusqayki huk runata yanapawanaykipaq mañakuy.

Allin kayninkuna

Condónqa Sexo Purichisqa Infeccionesmanta amachaypaq allinmi.

Condónqa anticonceptivo métodokunamanta hukllam, Sexo Purichisqa Infecciones (ITS) nisqakuna ama hap’inapaq yanapan, VIH, clamidia, gonorrea nisqakunatapas. Wiksayakuyta hark’anapaq huk anticonceptivo método apaykachachkaspaykipas, sapa kuti sexo rurakuspayki condónta apaykachayqa allinmi, ITS nisqakunamanta amachakunaykipaq.

Condónkunaqa mana ancha chaninniyuqchu, hinaspapas facilmi apaykachanapaq.

Condónkunata achka tiendakunapi, salud centrokunapi hinallataq internetpipas facilta tariyta atinki. Rantinaykipaqqa mana receta médica nitaq identificación necesitankichu, hinaspapas mana ancha chaninniyuqchu utaq mana qullqillawanpas tariyta atinki. Chaymantaqa huch’uykunam, mana qhawachikuq hinam, maymanpas apayta facilmi.

Condónqa sexo aswan munaypaqpas yanapanmanmi.

Imaymana estilo, forma hinallataq texturayuq condónkunam kan, chaykunaqa iskayninkupa kusikuyta aswan yapayta atinku. Hinallataq sexo manaraq qallarispa pukllaykunapi, sexo masiyki condónta churapusunaykiqa kusichikuq kaqmanmi tukuyta atin. Condónqa eyaculaciónta (chayayta) qhipachiyta atillanmi, chayrayku sexoqa aswan unayta duranman.

Condónqa kusikuyllapi hinallataq sexo masiykipi yuyayniykita churayta yanapasunki, wiksayakuymanta utaq ITS nisqakunamanta mana llakikunaykipaq. Aswan seguro sexoqa aswan allinmi, estrésqa chay pacha ama waqllichinampaq.

Condónqa huk anticonceptivo métodokunatapas aswan allinta llamk’achin.

Anticonceptivo métodokunaykiwan kuska condónta apaykachayqa wiksayakuymanta aswan achka amachayta qusunki. Mana mayqin métodopas 100% efectivochu, chayrayku condónta yanapakuq hina apaykachaspaykiqa, huk anticonceptivo métodoykiwan pantaspa utaq chay método mana llamk’aptinpas wiksayakuyta hark’ayta yanapasunki. ITS nisqakunamanta amachakunaykipaqpas condónta apaykachayqa yuyaychasqam.

Condónqa mana efectos secundariosniyuqchu.

Yaqa llapan runakunaqa condónta mana sasachakuspa apaykachayta atinku, efectos secundarios mana kaptin. Ancha pisi kutillapi, látexmanta rurasqa condónqa chay materialman alérgico utaq sensible kaq wakin runakunapi irritaciónta ruranman. Látexman alergia kaptinqa, látex mana kaq condónkunata yaqa condón rantikuna tukuy chiqapi tariyta atinki.

Qhipaman rikurimuq efectos

Sapa kuti sexo rurakuspayki musuq condónta apaykachanayki tiyan.

Condón allinta llamk’ananpaqqa, sapa kuti sexo rurakuspayki musuq condónta apaykachanayki tiyan. Kayqa niyta munan, genitales qarapas qara manaraq tupachkaptin condónta churakunayki, hinaspa sexo tukusqaykikama mana hurqunayki. Condónta wakin kutillapi apaykachaspayki utaq sexo chawpipi churaspaykiqa, manam chay hinalla allinta llamk’anqachu.

Condónwan acostumbrakuyqa pisi tiempota munanman.

Ichapas uyariq kanki condónqa sexo rurakuspa menos sienteyta rurasqanta, utaq condónta churakunaykipaq sayayqa chay pacha waqllichisqanta. Amachayqa ancha importante, ichaqa kusikuyqa importantellataqmi. Allin willakuyqa kaymi: condónta aswan divertido hinaspa sexi kanampaq wakin ñankunam kan.

• Practicayqa yachayta allinchachin. Condónta apaykachaspayki aswan cómodo hinaspa seguro sientekuptiykiqa, chay pacha ancha kusichikuq kachkaptinpas churakuyqa aswan facilmi kanqa.
• Achka laya condónkunam kan, chayrayku sapa runapas allinta sientekuq hinaspa allinta tupaq condónta tariyta atin. Wakin condónkunaqa sexo aswan kusichikuq kanampaqmi rurasqa: texturayuq, saboresniyuq hinallataq lubricantes especialesniyuq condónkunam kan, chaykunaqa kusikuyta aswan yapayta atinku.
• Condónta sexo manaraq qallarispa pukllaykunapa hukninman tukuchiyqa sensual hinaspa excitante kaqmanmi tukuyta atin.

Alergiakuna

Ancha pisi kutillapi, látexmanta rurasqa condónqa chay materialman alérgico utaq sensible kaq wakin runakunapi irritaciónta ruranman. Wakin kutipi, wakin condónkuna apamusqan lubricantepas irritaciónta ruranman. Látexman alergia kaptinqa, látex mana kaq condónkunata yaqa condón rantikuna tukuy chiqapi tariyta atinki.