Anticonceptivo pastillakuna

Anticonceptivo pastillakunaqa hormonasniyuq, sapa p’unchaw upyanapaq huk laya hampim, wiksayakuyta hark’an hinaspa saludpaq wakin allin kaykunatapas qun. Anticonceptivo pastillaqa seguro, mana ancha chaninniyuqchu, hinaspa sapa kuti pachanpi upyaspaykiqa allinta llamk’an.

Pastillapi kaq hormonakunaqa ovulaciónta seguro ñanpi sayachin. Ovulación mana kaptinqa, espermapa fertilizanampaq óvuloqa manam kanchu, chayrayku wiksayakuyqa mana kanchu. Hinallataq, hormonakunaqa útero kunka moco nisqata aswan pipuyachin, chaynapi esperma óvuloman ama chayananpaq hark’an, mana imatapas pasarichiq seguridad qhawaq hina.

Yuyariy, anticonceptivo pastillaqa wiksayakuyta hark’anapaq ancha allinmi, ichaqa Sexo Purichisqa Infeccionesmanta (ITS) manam amachaykuchu.

Allin llamk’aynin

Allinta, mana pantaspa apaykachaspaykiqa, anticonceptivo pastillaqa 99% efectivo. Ichaqa pipas mana perfectoqa kanchu, pastillata upyayta qonqayqa ancha facilmi, chayrayku chiqap kaqpiqa 91% efectivo. Kayqa niyta munan, sapa 100 anticonceptivo pastillata upyaq runamanta yaqa 9 runa sapa watapi wiksayakun.

Anticonceptivo pastillata aswan allinta apaykachaspayki, sapa p’unchaw upyayta yuyarispa hinallataq musuq paqueteykita pachanpi qallarispaqa, aswan allintam llamk’anqa. Ichaqa pastillata sapa kuti allinta apaykachaspaykipas, wiksayakunaykipaq pisi posibilidadqa kanmi. Chayrayku, sapa kuti sexo rurakuspayki pastillawan kuska condónta apaykachayqa ancha importante.

Anticonceptivo pastilla mana allinta llamk’ananpa aswan hatun razonqa, sapa p’unchaw mana upyaymi. Wakin imakunapas, imayna 48 horamanta aswan unayraq vomitay utaq diarrea kay, pastillata wiksayakuyta hark’anapaq mana allinta llamk’achiyta atinku.

Hinallataq, kay qatiq hampikuna utaq suplementokuna anticonceptivo pastillata mana allinta llamk’achiyta atinku:

• Rifampina antibiótico (huk laya antibióticokunaqa manam pastillapa efectividadninta pisiyachinkuchu).
• Griseofulvina antifúngico hampi (huk laya hongokunapaq hampikunaqa manam pastillapa efectividadninta pisiyachinkuchu).
• VIH tratamientopaq wakin hampikuna.
• Wakin anticonvulsivo hampikuna (convulsiones trataypaq); wakin kutipi trastorno bipolar hina trastornos psiquiátricos trataypaqpas apaykachakun.

Pastillata apaykachachkaspayki kay hampikunamanta mayqintapas upyaspaykiqa, yanapakuq método hina condónta apaykachay. Sichus kay hampikunamanta mayqintapas unay pachapaq upyanayki tiyan chayqa, anticonceptivo métodoykita hukman tikray.

Imayna apaykachana

Sapa p’unchaw huk pastillata upyaspaykiqa, wiksayakuymanta amachaykusqa kanki. Manam sapa p’unchaw kikillan horapi upyanaykiqa obligatoriochu, ichaqa chay pachallapi upyayqa allin yuyaymi, sapa p’unchaw upyanaykita acostumbrayta yanapasunki. Alarma, recordatoriokuna utaq huk aplicacióntapas apaykachayta atinki, pastillata sapa p’unchaw pachanpi upyanaykipaq. Yaqa llapan anticonceptivo pastillakunaqa 28 utaq 21 pastillayuq paquetekunapi hamun.

28 pastillayuq (p’unchawniyuq) paquetekuna kaptinqa:

28 p’unchaw qatiqninpi sapa p’unchaw huk pastillata upyay, hinaspa 29 kaq p’unchawpi musuq paqueteta qallariy. 28 p’unchawniyuq paquetekunapa qhipa pastillankunaqa manam hormonayuqchu. Kay pastillakunaqa “recordatorias” utaq “placebo” nisqam, sapa p’unchaw pastillaykita upyayta yuyarinaykipaq hinallataq qatiq paqueteta pachanpi qallarinaykipaq yanapasunki.

Mana hormonayuq (recordatorias) pastillakunata hayk’a p’unchaw upyanaykiqa marcaman hina hukniraymi. Yaqa llapan paquetekunaqa 7 p’unchawpaq mana hormonayuq pastillakunata apamun, ichaqa wakin kutipi aswan pisillapas kanman. Kay pastillakunaqa hierroyuq utaq huk suplementokunayuqpas kanman. Recordatorias pastillakunata upyachkaspayki p’unchawkunapi regla uraykamun. Recordatorias (utaq mana hormonayuq) pastillakunata mana upyaspaykipas, wiksayakuymanta amachaykusqa kankim; qatiq paqueteykita pachanpi qallariyta yuyariyllay.

21 pastillayuq (p’unchawniyuq) paquetekuna kaptinqa:

21 p’unchaw qatiqninpi sapa p’unchaw huk pastillata upyay (kimsa semanakama). Chaymantaqa qanchis p’unchawpi (tawa kaq semanapi) ama ima pastillatapas upyaychu. Tawa kaq semanapi, pastillata mana upyachkaspayki, regla uraykamunqa. 21 p’unchawniyuq paquetepi hamuq llapan pastillakunata upyanaykiqa ancha importante, kay paquetekunaqa mana recordatorias (mana hormonayuq) pastillakunata apamunchu. Hormonayuq pastillakunaqa wiksayakuymanta amachaykusunki, pastillata mana upyasqayki semanapi sexo rurakuspaykipas. Qanchis p’unchaw mana pastillata upyasqaykimanta qhipaman, 29 kaq p’unchawpi musuq paqueteta qallariy.

¿Hayk’aq anticonceptivo pastillata upyayta qallarinayki?

Anticonceptivo pastillakunata tariykuptiykiqa, semanapa mayqin p’unchawninpipas hinallataq ciclo menstrualniykipa mayqin pachanpipas upyayta qallariyta atinki. Ichaqa manam sapa kuti chay ratollapi amachaykusqa kankichu. Pastillakuna hayk’aqmantam wiksayakuymanta amachayta qallarin, chayqa hayk’aq upyayta qallarisqaykimanta dependem. Qallariq 7 p’unchawkunapi yanapakuq anticonceptivo métodota (condón hina) apaykachanayki kanman.

• Reglayki uraykamusqanmanta qhipa 5 p’unchawkunapi pastilla combinadata upyayta qallarispaqa, wiksayakuymanta chay ratollapi amachaykusqa kanki.
• Pastilla combinadakunata huk pacha qallarispaqa, upyayta qallarisqaykimanta 7 p’unchaw qhipamanmi wiksayakuymanta amachaykusqa kanki. Pastillata upyayta qallarisqayki ñawpaq semanapi sexo rurakuspaykiqa, condón hina huk anticonceptivo métodota apaykachay.

Anticonceptivo pastillata hayk’aq upyayta qallarinaykipaq aswan allin pacha mayqin kasqanmanta ginecólogoykiwan tapukuy.

Maypi rantina

Anticonceptivo pastillakunata farmaciakunapi, clínicas privadakunapi, consultorios médicokunapi utaq internetpi tariyta atinki. Rantinapaqqa mana receta médica necesitakunchu, ichaqa aswan allinqa ginecólogowan tapukuy, cuerpoykiman hinallataq necesitakusqaykiman aswan allin tupaq pastilla tipota qillqarispa qusunaykipaq.

Chaninqa S/. 7.50manta S/. 100kamam kanman, laboratorionman hinallataq fórmulanman hina. Qullqi mana kaptinqa, Perú suyupi mayqin salud establecimientopipas mana qullqillawan pastillakunata tariyta atinki. MINSAqa chunka kimsayuq anticonceptivo métodokunata runakunaman mana qullqillawan qun, chaykunapi anticonceptivo pastillapas kachkan.

Allin kayninkuna

Anticonceptivo pastillaqa wiksayakuyta hark’anapaq allinmi

Indicacionkunata qatispa, anticonceptivo pastillata allinta upyaspaykiqa, wiksayakuymanta ancha allin amachayta qusunki. Ruranaykiqa sapa p’unchaw pastillaykita pachanpi upyayllam, hinallataq musuq paquetekunata pachanpi qallariy. Chayllam. Ichaqa pastillakunata upyayta qonqaspaykiqa, manam chay hinalla allinta llamk’anqachu.

Anticonceptivo pastillaqa saludpaq allin kaykunatapas qun

Efectos secundariosqa manam sapa kuti mana allinchu. Anticonceptivo kaspa wiksayakuyta hark’asqanmantapas aswanqa, anticonceptivo pastillata huk imakunapaqpas apaykachayta atikun, achka allin kaykuna kaptin. Ejemplopaq, menstruación nanaykunata (cólicos) pisiyachin, reglaykita aswan pisi kananta ruran, hinallataq embarazo ectópico kanan riesgo nisqatapas pisiyachin.

Anticonceptivo pastillaqa kaykunata pisiyachiyta utaq hark’ayta yanapallanmantaqmi:

• Acné
• Tullukunapa ñañuyaynin
• Ñuñuykipi utaq ovarioykipi quistekuna
• Endometrio cáncer (úteroykipa ukunpi kaq capa) hinallataq ovario cáncer
• Ovarioykipi, trompas de Falopio nisqakunapi hinallataq úteroykipi hatun infecciones
• Hierro pisiyay (anemia)
• Síndrome premenstrual (SPM)

Anticonceptivo pastillaqa reglaykiwanpas yanapasunki

Achka runakunaqa anticonceptivo pastillata munanku, reglaykuta aswan regular hinaspa hayk’aq hamunan yachanapaq facilta rurasqanrayku. Pastillapi kaq hormonakunaqa menstruación cólicokunata pisiyachiyta hinallataq reglaykita aswan pisi kananta yanapallanmantaqmi.

Hinallataq, pastillata apaykachayta atinki reglayki mana uraykamunanpaq seguro ñanpi. Kayqa ancha conveniente kanman wakin runakunapaq, especial ocasiónpi regla mana kananta munaptinku utaq sapa killapi regla mana kananta munaptinku.

Anticonceptivo pastillata upyayta saqiptikiqa, chay ratollapi wiksayakuyta atinki.

Achka runakuna anticonceptivo pastillata upyaqkunaqa wawayoq kayta munanku, ichaqa paykunapaq allin pacha chayamuptin. Anticonceptivo pastillapa huk allin kayninmi, upyayta saqisqanku qhipalla wiksayakuyta atisqanku.

Anticonceptivo pastillaqa facilmi apaykachanapaq

Anticonceptivo pastillata upyayqa facilmi, ichaqa sapa p’unchaw upyayta yuyariyqa sasachakunmanmi. Suertepaq, pastilla paquetekunaqa huch’uykunam, yaqa celularpa sayaynin hina, chayrayku maymanpas qampuwan apayta atinki.

Pastillaqa anticonceptivo métodom, sexo rurakuchkaspayki mana apaykachanaykiqa tiyan, chayrayku sexo rurayta mana hark’anchu. Pastillata allinta upyaspaykiqa, tukuy p’unchaw, sapa p’unchaw wiksayakuymanta amachaykusqa kanki. Achka runakunaqa pastilla sexo kawsayninkuta allinchachisqanta ninku, sexo rurayta mana sayachinankurayku nitaq wiksayakuy riesgo nisqamanta mana llakikunankurayku.

Qhipaman rikurimuq efectos

Anticonceptivo pastillata sapa p’unchaw upyanayki tiyan.

Anticonceptivo pastillata sapa p’unchaw upyanaykiqa ancha importante, mana chayqa wiksayakuymanta amachaykusqa mana kankimanchu. Sichus ancha ocupasqa kawsayniyuq kanki hinaspa sapa p’unchaw pastillata upyayta qonqayta atinki nispa yuyanki chayqa, huk anticonceptivo métodokunata qhawariy.

Mana allin efectos secundarios kanmanmi.

Tukuy hampikuna hina, anticonceptivo pastillakunapas efectos secundarios nisqakunata ruranmanmi. Ichaqa yaqa llapan efectos secundariosqa iskay utaq kimsa killamanta qhipaman chinkapun. Achka runakunaqa anticonceptivo pastillakunata mana ima sasachakuywan upyanku.

Aswan sapa kuti rikurimuq efectos secundariosqa kaykunam: reglakuna chawpipi yawar lluqsiy utaq pisi yawar manchakuy, ñuñukunapi sensibilidad, náuseas utaq uma nanay. Ichaqa manam llapan anticonceptivo pastillata upyaq runakunapi rikurimunchu, rikurimuptinpas yaqa sapa kuti chinkapunmi.

Anticonceptivokunaqa manam mana allin sientichisunaykichu nitaq incomodidadta rurasunaykichu. Suertepaq, achka laya anticonceptivo métodokunam kan, chayrayku huk opcionkunaykipas kanmi. Kimsa killata anticonceptivo pastillata upyasqaykimanta qhipaman efectos secundarios nisqakuna aswanraq molestachisunki chayqa, ginecólogoykiwan rimay, huk marca pastillata utaq huk anticonceptivo métodota maskhanaykipaq. Ichaqa huk anticonceptivo métodota manaraq qallarispaqa, ama pastillata upyayta saqiychu; mana chayqa wiksayakuymanta amachaykusqa mana kankimanchu.

Ancha pisi kutillapi wakin hatun riesgos nisqakuna kanmanmi.

Anticonceptivo pastillaqa ancha pisi kutillapim hatun problemas nisqakunata ruran. Hormonasniyuq anticonceptivo métodokunata apaykachaq runakunaqa, hormonasniyuq anticonceptivokunata mana apaykachaq runakunamanta, wakin peligroso salud problemas nisqakunata hap’inankupaq pisi aswan hatun posibilidadniyuqmi kanku; ichaqa kay problemasqa ancha pisi kutillapim rikurimun.

Efectos secundarios hinallataq riesgos nisqakunamanta aswan achka yachanaykipaqqa, ginecólogoykiwan rimay utaq pastilla paquetepi hamuq folleto nisqata ñawinchay.